Бізнес-навіны

24 жніўня, Мінск /Кар. БЕЛТА/. Аманская дэлегацыя наведае 24-27 жніўня з візітам Беларусь з мэтай удзелу ў правядзенні першага пасяджэння беларуска-аманскага савета дзелавога супрацоўніцтва. Аб гэтым БЕЛТА паведамілі ў прэс-службе МЗС Беларусі.

Узначальвае дэлегацыю член савета дырэктараў, старшыня эканамічнага камітэта аманскай гандлёва-прамысловай палаты Кайс бен Махамед аль-Юсеф.

У час візіту запланаваны сустрэчы аманскай дэлегацыі ў Міністэрстве замежных спраў, Мінскім гарадскім выканаўчым камітэце, Беларускай гандлёва-прамысловай палаце, а таксама наведванне холдынга "Амкадор" і ААТ "Мінскі аўтамабільны завод".