Бізнес-навіны

Аграрыі Беларусі з улікам рапсу намалацілі больш як 6,7 млн тон збожжа

Фота з архiва

9 жніўня, Мінск /Кар. БЕЛТА/. У Беларусі намалацілі больш як 6,7 млн т збожжа з улікам рапсу. Аб гэтым паведамілі БЕЛТА ў Міністэрстве сельскай гаспадаркі і харчавання.

У Беларусі на 9 жніўня намалацілі збожжа (з улікам рапсу) 6,753 млн т, з іх - 5,697 млн т збожжавых і зернебабовых культур (81,8 працэнта плошчаў, якія падлягаюць уборцы, ураджайнасць - 33,9 ц/га), 1,056 млн т азімага рапсу.

У агульную скарбонку збожжа з улікам рапсу Мінская вобласць сабрала 1,825 млн т, Гродзенская - 1,537 млн т, Брэсцкая - 1,507 млн т, Магілёўская - 714,4 тыс. т, Гомельская - 648 тыс. т, Віцебская - 521,4 тыс. т.

Прадаўжаецца ўборка іншых культур: азімае жыта - 89 працэнтаў ад плана, яравы ячмень - 83,2 працэнта ад плана, пшаніца - 81,4 працэнта ад плана, авёс - 79,4 працэнта ад плана, трыцікале - 78,1 працэнта ад плана, зернебабовыя - 62,5 працэнта ад плана.

Уборка азімага ячменю і азімага рапсу завершана.

Паралельна з уборкай ідзе церабленне лёну. Выцераблена 39,9 тыс. га (89,1 працэнта плошчаў, што падлягаюць уборцы).

Як паведамляе Белгідрамет, дажджы, якія прайшлі ў апошнія дні, зрабілі вільготнай глебу, але не ўсюды. Паводле апошніх даных візульных назіранняў, на большай частцы тэрыторыі Беларусі верхні 10-сантыметровы слой глебы знаходзіцца ў добра ўвільготненым стане, дзе-нідзе, галоўным чынам у Віцебскай вобласці пасля дажджоў адзначаецца моцнае ўвільгатненне. У шэрагу раёнаў краіны слабае ўвільгатненне верхняга слоя глебы захоўваецца, месцамі на паўночным захадзе на глыбіні 10 см глеба застаецца сухой. Недахоп вільгаці на такіх участках ускладняе правядзенне агратэхнічных мерапрыемстваў па падрыхтоўцы глебы пад азімую сяўбу, сяўбу азімага рапсу, пажніўных культур.

версія для друку

зрабіць стартавай

дабавіць у выбранае