Бізнес-навіны

Аграрыі Беларусі намалацілі больш як 406 тыс.т азімага рапсу

Фота з архiва

25 ліпеня, Мінск /Кар. БЕЛТА/. Аграрыі Беларусі намалацілі 406,7 тыс.т азімага рапсу, паведамілі БЕЛТА ў Міністэрстве сельскай гаспадаркі і харчавання.

Паводле даных на 25 ліпеня, збожжавых і зернебабовых культур (без кукурузы, грэчкі, проса) убрана 268,8 тыс. га, або 13,6 працэнта ад плана. Намалочана 950 тыс.т збожжа пры сярэдняй ураджайнасці 35,3 ц/га.

Азімага рапсу на зерне ўбрана 174,4 тыс. га (52,4 працэнта да ўборачнай плошчы), намалочана 406,7 тыс.т пры сярэдняй ураджайнасці 23,3 ц/га.

Лён выцераблены на 16,4 тыс. га, што складае 37,5 працэнта ўборачнай плошчы. Саломы пасля ўборкі збожжавых і зернебабовых убрана на плошчы 167,5 тыс. га, або 62,3 працэнта. Нарыхтавана 370,2 тыс.т сена - 38,5 працэнта да плана, 8339,2 тыс.т сенажу - 60,9 працэнта (у тым ліку ў палімерную ўпакоўку 281,6 тыс.т), 384,1 тыс.т збожжасенажу і 206 тыс.т сіласу - 1,07 працэнта.

Усяго ў гэтым годзе плануецца атрымаць з траў 9,6 млн т кармавых адзінак. На гэты час нарыхтавана 27,9 працэнта ад плана. Сіласу плануецца нарыхтаваць амаль 19,2 млн т, сенажу - 13,7 млн т (у тым ліку ў палімерную ўпакоўку 1 млн т), сена - 962,1 тыс.т.-0-

версія для друку

зрабіць стартавай

дабавіць у выбранае