Падзеі

Знешнепалітычныя ведамствы краін АДКБ праводзяць кансультацыі ў Мінску

Фота з архiва

30 мая, Мінск /Кар. БЕЛТА/. У Мінску праходзяць кансультацыі дзяржаў - членаў Арганізацыі Дагавора аб калектыўнай бяспецы на ўзроўні намеснікаў міністраў замежных спраў, перадае карэспандэнт БЕЛТА.

Сустрэча адбылася напярэдадні намечанага на 19-20 чэрвеня пасяджэння Савета міністраў замежных спраў краін АДКБ, што таксама правядуць у Мінску. Беларускую дэлегацыю на кансультацыях узначаліў намеснік кіраўніка знешнепалітычнага ведамства Юрый Амбразевіч.

Паводле яго слоў, гэта пасяджэнне - добрая магчымасць абмяняцца думкамі і зверыць гадзіннікі па актуальных пытаннях узаемадзеяння ў АДКБ, у тым ліку на міжнароднай арэне, а таксама абмеркаваць развіццё арганізацыі.

"Указаны фармат кансультацый, прапанаваны беларускім бокам у мінулым годзе, з'яўляецца важным элементам падрыхтоўкі да пасяджэнняў Савета міністраў замежных спраў АДКБ і сесіі Савета калектыўнай бяспекі АДКБ, што таксама дазваляе правесці зверку гадзіннікаў дзяржаў - членаў Арганізацыі па актуальных пытаннях міжнароднага парадку дня, - расказалі БЕЛТА ў прэс-службе Міністэрства замежных спраў Беларусі. - Бакі абмяняюцца думкамі аб далейшых кроках па развіцці дыялогу АДКБ з іншымі міжнароднымі арганізацыямі (ААН, СНД, ШАС), абмяркуюць пытанні нарошчвання аналітычнага патэнцыялу арганізацыі і яе дзяржаў-членаў".

версія для друку

зрабіць стартавай

дабавіць у выбранае