Падзеі

"Вы цвёрда стаіце на варце законнасці" - Лукашэнка павіншаваў унутраныя войскі з прафесійным святам

Фота з архiва

18 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў ваеннаслужачых, супрацоўнікаў і ветэранаў унутраных войскаў з прафесійным святам - Днём унутраных войскаў. Аб гэтым БЕЛТА паведамілі ў прэс-службе кіраўніка дзяржавы.

"Кожны дзень вы цвёрда стаіце на варце законнасці, мірнай працы і спакою нашых грамадзян, пастаянна вырашаючы ўнікальныя па спецыфіцы і складанасці службова-баявыя задачы", - гаворыцца ў віншаванні.

Прэзідэнт адзначыў, што асабліва выразна важная роля ўнутраных войскаў у забеспячэнні грамадскага парадку праявілася ў мінулым годзе, калі ваеннаслужачыя ў час масавых несанкцыяваных вулічных акцый змаглі проціпаставіць усім дэструктыўным сілам высокі прафесіяналізм, стойкасць і ўзаемавыручку.

"Упэўнены, што вы і ў далейшым, з'яўляючыся сапраўднымі патрыётамі, вернымі абавязку і прысязе, зробіце ўсё, каб абараніць канстытуцыйны лад, краіну і народ ад любых проціпраўных замахаў", - падкрэсліў Аляксандр Лукашэнка.

версія для друку

зрабіць стартавай

дабавіць у выбранае