Падзеі

Венецыянскую камісію праінфармавалі аб падрыхтоўцы прапаноў па змяненні Канстытуцыі Беларусі

Фота з архiва

6 ліпеня, Мінск /Кар. БЕЛТА/. Намеснік старшыні Канстытуцыйнага суда (КС) Беларусі Наталля Карповіч прыняла ўдзел анлайн у 127-й пленарнай сесіі Еўрапейскай камісіі за дэмакратыю праз права (Венецыянскай камісіі). Такая інфармацыя размешчана на сайце КС, паведамляе БЕЛТА.

"Наталля Карповіч праінфармавала Венецыянскую камісію аб рабоце Канстытуцыйнай камісіі па падрыхтоўцы прапаноў па змяненні Канстытуцыі Беларусі, якія датычацца кампетэнцыі Канстытуцыйнага суда", - гаворыцца ў паведамленні.

На сесіі былі прыняты заключэнні Венецыянскай камісіі аб папраўках у Канстытуцыю Венгрыі, аб адпаведнасці міжнародным стандартам правоў чалавека праектаў законаў Расійскай Федэрацыі, якія датычацца "замежных агентаў", аб адпаведнасці міжнародным стандартам правоў чалавека закона Турцыі аб прадухіленні фінансавання распаўсюджвання зброі масавага знішчэння, а таксама заключэнні па праектах змяненняў у выбарчыя кодэксы Арменіі, Грузіі.

127-я пленарная сесія Еўрапейскай камісіі за дэмакратыю праз права (Венецыянскай камісіі Савета Еўропы) адбылася 2-3 ліпеня.

версія для друку

зрабіць стартавай

дабавіць у выбранае