Падзеі

Венесуэла зацікаўлена ў супрацоўніцтве з Беларуссю ў сферы паветранага транспарту

Фота з архiва

17 верасня, Мінск /Кар. БЕЛТА/. Венесуэла зацікаўлена ў супрацоўніцтве з Беларуссю ў сферы паветранага транспарту. Аб гэтым ішла размова на сустрэчы дырэктара Дэпартамента па авіяцыі Міністэрства транспарту і камунікацый Беларусі Арцёма Сікорскага з паслом Венесулы ў Беларусі Франклінам Рамірэсам Араке, паведамілі БЕЛТА ў прэс-службе Мінтранса.

Асаблівая ўвага была ўдзелена развіццю існуючых праектаў, напрыклад, па падрыхтоўцы авіяцыйнага персаналу на базе Беларускай дзяржаўнай акадэміі авіяцыі. Акрамя таго, размова ішла аб перавозцы грузаў паміж Венесуэлай і Беларуссю.

Франклін Рамірэс Араке ад імя Нацыянальнага інстытута грамадзянскай авіяцыі Венесуэлы выказаў зацікаўленасць у развіцці і пашырэнні супрацоўніцтва з Беларуссю. Дыпламат таксама гатовы садзейнічаць рабоце па праекце міжурадавага пагаднення аб паветраных зносінах паміж Венесуэлай і Беларуссю.

версія для друку

зрабіць стартавай

дабавіць у выбранае