Падзеі

Вальфовіч на форуме БРІКС адзначыў актуальнасць адзіных падыходаў да процідзеяння кіберзлачыннасці

Фота ТАСС

24 ліпеня, Мінск /Кар. БЕЛТА/. У Іаханесбургу (ПАР) 24 ліпеня дзяржаўны сакратар Савета бяспекі Беларусі Аляксандр Вальфовіч прымае ўдзел у XIII Міжнароднай сустрэчы высокіх прадстаўнікоў па пытаннях бяспекі дзяржаў і партнёраў БРІКС. Аб гэтым БЕЛТА паведамілі ў Дзяржаўным сакратарыяце Савета бяспекі Беларусі.

У сваім выступленні на пленарным пасяджэнні Аляксандр Вальфовіч акцэнтаваў увагу на актуальных рызыках і выкліках у сферы кібербяспекі. Ён адзначыў значны вопыт беларускага боку па спыненні праяўленняў экстрэмісцкай накіраванасці, якія ажыццяўляюцца з выкарыстаннем інтэрнэт-тэхналогій. Аляксандр Вальфовіч таксама закрануў пытанні процідзеяння кіберзлачыннасці і абароны крытычна важнай інфраструктуры.

Беларускі бок адзначыў актуальнасць ініцыятывы Прэзідэнта Беларусі па фарміраванні пояса лічбавага добрасуседства і лічбавага суверэнітэту. У сувязі з гэтым былі агучаны прапановы аб неабходнасці выпрацоўкі ўзгодненых падыходаў у рамках БРІКС да процідзеяння выклікам і пагрозам у кіберпрасторы.

Акрамя таго, на палях форуму прайшоў шэраг двухбаковых сустрэч з кіраўнікамі дэлегацый БРІКС па актуальных праблемах глабальнай і рэгіянальнай бяспекі.

версія для друку

зрабіць стартавай

дабавіць у выбранае