Падзеі

Вальфовіч і генеральны сакратар АДКБ абмяняліся меркаваннямі па актуальных падзеях міжнароднага парадку дня

25 кастрычніка, Мінск /Кар. БЕЛТА/. Дзяржаўны сакратар Савета Бяспекі Рэспублікі Беларусь Аляксандр Вальфовіч 25 кастрычніка ў Мінску сустрэўся з генеральным сакратаром Арганізацыі Дагавора аб калектыўнай бяспецы Імангалі Тасмагамбетавым, паведамляе карэспандэнт БЕЛТА.

Генеральны сакратар прыбыў у беларускую сталіцу для ўдзелу ў міжнароднай канферэнцыі высокага ўзроўню "Еўразійская бяспека: рэальнасць і перспектывы ў трансфармуемым свеце", якая адбудзецца 26-27 кастрычніка.

У ходзе сустрэчы адбыўся абмен меркаваннямі па актуальных падзеях міжнароднага парадку дня. Былі абмеркаваны пытанні старшынства Рэспублікі Беларусь у АДКБ у 2023 годзе і ход выканання мерапрыемстваў у рамках рэалізацыі беларускіх прыярытэтаў. Падведзены папярэднія вынікі раней прынятых рашэнняў Камітэта сакратароў саветаў бяспекі АДКБ.

Аляксандр Вальфовіч акцэнтаваў увагу на сітуацыі, якая склалася ў зоне адказнасці АДКБ, а таксама на неабходнасці пошуку эфектыўных шляхоў вырашэння праблемных пытанняў на знешнім контуры арганізацыі.

Імангалі Тасмагамбетаў праінфармаваў аб рабоце Сакратарыята АДКБ па падрыхтоўцы да чарговых пасяджэнняў статутных органаў арганізацыі, запланаваных у лістападзе бягучага года ў Мінску.

версія для друку

зрабіць стартавай

дабавіць у выбранае