Падзеі
Узровень гандлёва-эканамічных адносін Беларусі і Румыніі не адпавядае патэнцыялу - Мелешкану
8 лістапада, Мінск /Кар. БЕЛТА/.
Узровень гандлёва-эканамічных адносін Беларусі і Румыніі не адпавядае іх патэнцыялу. Такое меркаванне ў інтэрв'ю карэспандэнту БЕЛТА выказаў міністр замежных спраў Румыніі Тэадор-Віярэл Мелешкану."Некаторыя неадпаведнасці паміж патэнцыялам і рэальнасцю існуюць у сферы гандлёва-эканамічных адносін", - сказаў Тэадор-Віярэл Мелешкану.
На думку дыпламата, бакі павінны ўдзяліць больш увагі ўзаемнаму пазнанню існуючых магчымасцей, а таксама дыверсіфікацыі прамых кантактаў паміж дзелавымі коламі праз сумесную міжурадавую камісію па эканамічным і навукова-тэхнічным супрацоўніцтве, якая аднавіла сваю работу ў 2016 годзе, гандлёва-прамысловыя палаты, мясцовыя органы ўлады, асацыяцыі прадпрымальнікаў, інвестыцыйных экспертаў.
Вялікую ролю ў развіцці гандлёва-эканамічных адносін, адзначыў міністр, адыгрывае сумесная міжурадавая камісія. "Цяпер рыхтуецца новая сесія камісіі, якая пройдзе ў хуткім часе ў Бухарэсце", - дадаў ён.
версія для друку
зрабіць стартавай
дабавіць у выбранае