Падзеі

У Крамлі праанансавалі дзве сустрэчы Лукашэнкі і Пуціна - 13 і 15 лютага

Аляксандр Лукашэнка і Уладзімір Пуцін. Фота з архіва

11 лютага, Масква /Эдуард Півавар - БЕЛТА/. У Крамлі праанансавалі дзве сустрэчы прэзідэнтаў Беларусі і Расіі, якія пройдуць на бягучым тыдні - 13 і 15 лютага. Аб гэтым БЕЛТА паведамілі ў прэс-службе Прэзідэнта РФ.

"13 лютага ў Сочы Прэзідэнт Расіі Уладзімір Пуцін сустрэнецца з Прэзідэнтам Беларусі Аляксандрам Лукашэнкам, які будзе знаходзіцца ў Расіі з рабочым візітам", - праінфармавалі ў прэс-службе. У час перагавораў будуць абмеркаваны ключавыя пытанні двухбаковага парадку дня і перспектывы развіцця інтэграцыйных працэсаў на еўразійскай прасторы.

"З улікам канструктыўнага развіцця расійска-беларускага ўзаемадзеяння ў культурна-гуманітарнай сферы 15 лютага пройдзе сустрэча прэзідэнтаў Расіі і Беларусі з міністрамі дзвюх краін, якія курыруюць адукацыю, культуру і спорт. Будуць абмеркаваны канкрэтныя прапановы па далейшым паглыбленні супрацоўніцтва ў гэтых важных галінах", - дадалі ў Крамлі.

версія для друку

зрабіць стартавай

дабавіць у выбранае