Падзеі

Рабочай групе даручана падрыхтаваць тэхнічныя патрабаванні і варыянты стварэння канала перадачы даных аб візах (выдадзеных, ануляваных, прызнаных несапраўднымі і канфіскаваных), пасведчаннях на права жыхарства, дазволах на часовае пражыванне і іншых дазволах на ўезд, выезд і знаходжанне ў адпаведнасці з праектам пагаднення аб узаемным прызнанні віз, вызначыць сістэму абароны такой інфармацыі. Неабходна таксама арганізаваць узаемадзеянне з расійскім бокам для вырашэння гэтых, а таксама іншых пытанняў, звязаных з уездам замежных грамадзян і асоб без грамадзянства на тэрыторыі дзяржаў - удзельніц Дагавора аб стварэнні Саюзнай дзяржавы, і выпрацаваць рэгламент праходжання перадаваемых даных паміж зацікаўленымі дзяржаўнымі органамі Беларусі.

Пры неабходнасці група можа прыцягваць ва ўстаноўленым парадку да работы кіраўнікоў і спецыялістаў рэспубліканскіх органаў дзяржкіравання і іншых дзяржарганізацый, падпарадкаваных ураду.

Аб выніках праведзенай работы неабходна інфармаваць урад да 1 лістапада 2017 года.

Узначаліў групу першы намеснік міністра сувязі і інфарматызацыі Дзмітрый Шадко. Арганізацыйным забеспячэннем дзейнасці групы даручана займацца Міністэрству сувязі і інфарматызацыі.