Падзеі

У Беларусі дазволілі прымяняць фізічную сілу і спецсродкі ў адносінах да розных відаў беспілотнікаў

Фота з архiва

7 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка 7 кастрычніка падпісаў указ нумар 392, якім прадугледжваецца выкладанне ў новай рэдакцыі ўказа нумар 215 ад 5 чэрвеня 2019 года "Аб спыненні палётаў авіямадэлей і беспілотных лятальных апаратаў". Аб гэтым БЕЛТА паведамілі ў прэс-службе беларускага лідара.

Дакумент прыняты ў мэтах нарматыўнага замацавання права на прымяненне фізічнай сілы, спецыяльных сродкаў, зброі, баявой і спецыяльнай тэхнікі не толькі ў адносінах да авіямадэлей і БПЛА, але і беспілотных паветраных суднаў, беспілотных транспартных сродкаў, уключаючы падводныя і надводныя судны, наземныя апараты і комплексы, кіраванне якімі ажыццяўляецца дыстанцыйным спосабам або ў аўтаматычным рэжыме.

У адпаведнасці з указам правам на прымяненне (выкарыстанне) зброі і спецыяльных сродкаў у адносінах да беспілотных апаратаў нараўне з ваеннаслужачымі (супрацоўнікамі) воінскіх фарміраванняў і органаў унутраных спраў надзелены таксама супрацоўнікі (работнікі, службовыя асобы) іншых ваенізаваных арганізацый. Пад такімі арганізацыямі для мэт указа разумеюцца органы пракуратуры, Следчы камітэт, Дзяржаўны камітэт судовых экспертыз, органы фінансавых расследаванняў Камітэта дзяржаўнага кантролю, Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусь, органы і падраздзяленні па надзвычайных сітуацыях, мытныя органы.

версія для друку

зрабіць стартавай

дабавіць у выбранае