Падзеі

"Мы вывучаем пытанне, як дапамагчы асобам, якія не могуць самастойна прагаласаваць. У прыватнасці, разам з таварыствам сляпых мы прапрацоўваем праект арганізацыі галасавання грамадзян, якія не бачаць або бачаць дрэнна", - адзначыла Лідзія Ярмошына.

Для такіх грамадзян будуць заказаны спецыяльныя трафарэты, у якія і будуць устаўляцца бюлетэні. "Яны змогуць з дапамогай гэтага трафарэта самастойна зайсці ў кабіну для галасавання і прагаласаваць. Будуць выраблены спецыяльныя агітацыйныя дакументы па азбуцы Брайля, каб тыя, хто валодае гэтай азбукай, змаглі іх вывучыць", - расказала старшыня ЦВК. Акрамя таго, для людзей са слабым зрокам будзе адаптаваны сайт Цэнтрвыбаркама. "Такім чынам, як бачыце, Беларусь увайшла ў агульны сусветны трэнд аказання садзейнічання грамадзянам з абмежаванымі фізічнымі магчымасцямі", - заўважыла яна.

На пытанне аб асаблівасцях маючых адбыцца прэзідэнцкіх выбараў Лідзія Ярмошына адказала, што галоўная асаблівасць - хто будзе ўдзельнічаць у выбарах на правах кандыдата або, прынамсі, заявіцца як прэтэндэнт. Наконт новаўвядзенняў яна адзначыла, што ў кандыдатаў павялічыўся асабісты фонд, яны атрымаюць магчымасць яго сфарміраваць ужо з моманту рэгістрацыі ініцыятыўнай групы (гэта значыць яшчэ да свайго кандыдацтва) і змогуць фінансаваць работу сваёй ініцыятыўнай групы. "Дзяржава не будзе выдаваць сродкі на выраб перадвыбарнай агітацыйнай прадукцыі, затое паклапоціцца аб тым, каб у кожнага выбаршчыка была такая інфармацыйная прадукцыя ў паштовай скрыні", - рэзюмавала яна.