Падзеі

ЦВК 1 сакавіка прыме рашэнне аб скліканні першай сесіі Палаты прадстаўнікоў

Фота з архiва

28 лютага, Мінск /Кар. БЕЛТА/. Пасяджэнне ЦВК Беларусі адбудзецца 1 сакавіка. Аб гэтым БЕЛТА паведамілі ў ЦВК.

На пасяджэнні будуць устаноўлены вынікі выбараў дэпутатаў Палаты прадстаўнікоў Нацыянальнага сходу Рэспублікі Беларусь восьмага склікання, заслухана інфармацыя старшынь абласных, Мінскай гарадской выбарчых камісій аб выніках выбараў дэпутатаў мясцовых саветаў дэпутатаў дваццаць дзявятага склікання.

ЦВК Беларусі таксама прыме рашэнне аб скліканні першай сесіі Палаты прадстаўнікоў Нацыянальнага сходу Рэспублікі Беларусь восьмага склікання, назначыць выбары дэлегатаў Усебеларускага народнага сходу, установіць нормы прадстаўніцтва дэлегатаў УНС ад мясцовых саветаў дэпутатаў і ад суб'ектаў грамадзянскай супольнасці.

версія для друку

зрабіць стартавай

дабавіць у выбранае