Падзеі

Цэнтр экспертыз і выпрабаванняў у ахове здароўя заключыў мемарандум аб узаемаразуменні з кубінскімі калегамі

28 красавіка, Мінск /Кар. БЕЛТА/. Мемарандум аб узаемаразуменні паміж рэспубліканскім унітарным прадпрыемствам "Цэнтр экспертыз і выпрабаванняў у ахове здароўя" Рэспублікі Беларусь і Цэнтрам дзяржаўнага кантролю медыкаментаў, абсталявання і медыцынскіх прыбораў Рэспублікі Куба 26 красавіка падпісаны ў Гаване. Аб гэтым карэспандэнту БЕЛТА паведамілі ў пасольстве нашай краіны на Кубе.

Дакумент заключаны ў рамках удзелу кіраўніцтва беларускага Цэнтра экспертыз і выпрабаванняў у Кангрэсе BioHabana 2022 у горадзе Гавана.

З беларускага боку ў падпісанні мемарандума прыняў удзел дырэктар Цэнтра экспертыз і выпрабаванняў у ахове здароўя Дзмітрый Грынько, з кубінскага боку подпіс пад дакументам паставіла дырэктар Цэнтра дзяржаўнага кантролю медыкаментаў, абсталявання і медыцынскіх прыбораў Вольга Лідзія Хакоба Казануева.

Беларусь і Куба маюць намер актыўна супрацоўнічаць і дзяліцца вопытам, напрацоўкамі ў гэтай сферы, а таксама сумесна рэалізоўваць важныя для абодвух бакоў праекты.

версія для друку

зрабіць стартавай

дабавіць у выбранае