Падзеі

Супрацоўніцтва Беларусі і Турцыі ў барацьбе са злачыннасцю абмеркавана на сустрэчы міністраў у Стамбуле

Фота пасольства Беларусі ў Турцыі

20 лютага, Мінск /Кар. БЕЛТА/. У Стамбуле 19-21 лютага праходзіць VI Міністэрская канферэнцыя Будапешцкага працэсу пад старшынствам Турцыі, якая ініцыіравала праект "Партнёрства па пытаннях міграцыі ў рэгіёне Шаўковага шляху". Дэлегацыю ад Беларусі ўзначаліў міністр унутраных спраў Беларусі Ігар Шуневіч, паведамілі карэспандэнту БЕЛТА ў пасольстве Беларусі ў Турцыі.

Напярэдадні адбылася сустрэча міністраў унутраных спраў Беларусі і Турцыі, у час якой бакі абмеркавалі пытанні ў праваахоўнай сферы, якія ўяўляюць узаемны інтарэс. "У прыватнасці, размова ішла аб далейшым удасканаленні двухбаковага супрацоўніцтва МУС Беларусі і МУС Турцыі ў сферы барацьбы з тэрарызмам, арганізаванай злачыннасцю, злачынствамі ў сферы высокіх тэхналогій, процідзеянні наркатрафіку і гандлю людзьмі", - удакладнілі ў пасольстве.

Прыняцце Стамбульскай міністэрскай дэкларацыі ў час V Міністэрскай канферэнцыі Будапешцкага працэсу, якая прайшла ў Стамбуле 19 красавіка 2013 года, азнаменавала сабой заснаванне "Партнёрства па пытаннях міграцыі ў рэгіёне Шаўковага шляху" з мэтай садзейнічання дыялогу і ўзаемнаму супрацоўніцтву ў галіне кіравання міграцыйнымі патокамі ў рэгіёне Шаўковага шлях. У Стамбульскай міністэрскай дэкларацыі пералічана некалькі ініцыятыў, арганізаваных вакол шасці прыярытэтных мэт партнёрства ў рэгіёне Шаўковага шляху, і пастаўлена задача старшым службовым асобам па ўзгадненні канкрэтных дзеянняў.

версія для друку

зрабіць стартавай

дабавіць у выбранае