Падзеі

Сумеснае пасяджэнне калегій МЗС Беларусі і Расіі пройдзе ў Маскве 14-15 снежня

Фота з архiва

12 снежня, Масква /Эдуард Півавар - БЕЛТА/. Сумеснае пасяджэнне калегій знешнепалітычных ведамстваў Беларусі і Расіі адбудзецца 14-15 снежня ў Маскве. Аб гэтым паведаміла на брыфінгу афіцыйны прадстаўнік МЗС РФ Марыя Захарава, перадае карэспандэнт БЕЛТА.

"14-15 снежня ў Маскве адбудзецца сумеснае пасяджэнне калегій МЗС Расіі і Беларусі пад старшынствам Сяргея Лаўрова (кіраўніка МЗС РФ. - Заўвага БЕЛТА) і міністра замежных спраў Беларусі Сяргея Алейніка", - сказала Марыя Захарава.

Паводле яе слоў, на пасяджэнні плануецца разгледзець пытанні двухбаковага знешнепалітычнага супрацоўніцтва, тэматыку еўразійскай бяспекі, а таксама пытанні палітычнага, гандлёва-эканамічнага ўзаемадзеяння Беларусі і Расіі з дзяржавамі Азіі, Лацінскай Амерыкі, Афрыкі, Карыбскага басейна.

"Па выніках пасяджэння плануецца падпісанне шэрага сумесных дакументаў, уключаючы праграму ўзгодненых дзеянняў у галіне знешняй палітыкі на 2024-2026 гады", - дадала афіцыйны прадстаўнік МЗС РФ.

версія для друку

зрабіць стартавай

дабавіць у выбранае