Падзеі

Судовыя эксперты Беларусі і Ірана абмяняліся вопытам правядзення даследаванняў

Фота ДКСЭ

25 кастрычніка, Мінск /Кар. БЕЛТА/. Беларускія і іранскія судовыя эксперты ў рэжыме анлайн абмяняліся вопытам у правядзенні судмедэкспертыз, паведамілі БЕЛТА ў Дзяржаўным камітэце судовых экспертыз Беларусі (ДКСЭ).

На відэаканферэнцыі эксперты ДКСЭ і Арганізацыі судовай экспертызы медыцыны Ісламскай Рэспублікі Іран абмеркавалі пытанні правядзення судмедэкспертыз па справах аб урачэбных памылках і абмяняліся вопытам, расказаўшы аб існуючых у іх краінах асаблівасцях у гэтай сферы.

Спецыялісты абмеркавалі тэмы ўплыву стрэсу на смерць і падыходы да правядзення экспертызы пры прафзахворваннях і траўмах, выкліканых няшчаснымі выпадкамі на вытворчасці.

У ДКСЭ адзначылі, што такія анлайн-сустрэчы праходзяць з 2020 года ў рамках рэалізацыі мемарандума аб узаемаразуменні паміж беларускім і іранскім ведамствамі.

версія для друку

зрабіць стартавай

дабавіць у выбранае