Падзеі

Сітуацыя з COVID-19 у Беларусі на пастаянным кантролі не толькі Міністэрства аховы здароўя, але і ўпаўнаважаных кіраўніком дзяржавы

21 мая, Мінск /Кар. БЕЛТА/. Сітуацыя з каранавірусам у Беларусі знаходзіцца на пастаянным кантролі не толькі Міністэрства аховы здароўя, але і ўпаўнаважаных кіраўніком дзяржавы асоб, паведамляе БЕЛТА са спасылкай на прэс-службу Міністэрства аховы здароўя.

У прэс-службе адзначылі: старшыня Савета Рэспублікі Наталля Качанава правяла штотыднёвую відэаканферэнцыю з кіраўнікамі лячэбных устаноў Мінска. Яна адзначыла, што, паводле даных штодзённага маніторынгу, які праводзіцца ва ўстановах аховы здароўя Беларусі, на сёння перапрафілявана дастаткова бальніц для таго, каб забяспечыць медыцынскай дапамогай пацыентаў з COVID-19.

На відэаканферэнцыі таксама абмяркоўвалася наяўнасць сродкаў індывідуальнай аховы, забеспячэнне ўстаноў аховы здароўя медыцынскім кіслародам, вакцынацыя.

Як адзначыў міністр аховы здароўя Дзмітрый Піневіч, трэцяя хваля цяпер у самым разгары, але ў любым выпадку сітуацыя з COVID-19 ужо не будзе такой напружанай, як мінулай восенню. Цяжкіх пацыентаў шмат - гэта служыць маркерам складанай сітуацыі. Колькасць шпіталізаваных у 2,5 раза меншая, чым на піку асенняй хвалі, а колькасць цяжкіх пацыентаў меншая толькі ў 1,5 раза. Сёння амаль 1,5 тыс. ложкаў у краіне знаходзяцца ў свабодным рэжыме, таму ў цяперашні эпідэмічны ўздым прынята рашэнне не закрываць поўнасцю ўсе бальніцы і аддзяленні, частку з іх пакінуць для аказання звычайнай планавай, высокатэхналагічнай і спецыялізаванай дапамогі.

У прыватнасці, у Мінску ў поўным аб'ёме аказваецца спецыялізаваная афтальмалагічная дапамога ў 3-й і 10-й бальніцах. Тут для гэтага ёсць больш за 215 бальнічных месцаў. Таксама ў 3-й бальніцы могуць прайсці неабходнае лячэнне пацыенткі (з адмоўным тэстам на COVID-19) па гінекалогіі.

Па аналагічным прынцыпе працуе і 6-я бальніца Мінска. Спецыялісты прадаўжаюць лячыць пацыентаў з COVID-19, пры гэтым у бальніцы выдзелены будынкі, дзе лечацца хранічныя пацыенты з астэаміэлітам, траўматалагічнымі праблемамі, адкрыты аддзяленні гнойнай хірургіі. Прадаўжаюць аказваць дапамогу спецыялісты і дзіцячага траўматалагічнага аддзялення.

У 1-й бальніцы Мінска, у якой таксама ёсць "чырвоныя зоны", прадаўжаюць працаваць у "чыстых зонах" кардыёлагі, нефролагі, гінеколагі. У 2-й бальніцы адкрыты "чыстыя зоны" ў неўралогіі, гастраэнтэралогіі, практалогіі і ўралогіі, прадаўжаецца работа і ў аддзяленні малаінвазіўнай хірургіі.

У 4-й бальніцы Мінска адкрыты "чыстыя аддзяленні" для планавай, высокатэхналагічнай і спецыялізаванай дапамогі па частцы ЛОР, сасудзістай хірургіі, нефралогіі і ўралогіі.

Пацыентаў з адмоўнымі ПЛР-тэстамі таксама планава лечаць у аддзяленнях кардыялогіі і нейрахірургіі 5-й бальніцы.

Усе рэспубліканскія навукова-практычныя цэнтры, якія размешчаны ў Мінску, працуюць па сваіх асноўных напрамках дзейнасці, аказваючы пацыентам усёй краіны высокатэхналагічную планавую, спецыялізаваную і экстранную дапамогу.

версія для друку

зрабіць стартавай

дабавіць у выбранае