Падзеі

Сістэму маніторынгу грамадскай бяспекі закрануць змяненні? Лукашэнку прадставілі праект указа

17 жніўня, Мінск /Кар. БЕЛТА/. Дзяржава павінна не толькі захаваць спакой у краіне і забяспечыць правапарадак, але і працаваць на перспектыву ў гэтай сферы. Аб гэтым Прэзідэнт Беларусі Аляксандр Лукашэнка заявіў сёння на нарадзе з кіраўніцтвам Савета Міністраў, перадае карэспандэнт БЕЛТА.

На разгляд Прэзідэнта прадстаўлены праект указа, які прадугледжвае змяненне падыходаў да сістэмы маніторынгу грамадскай бяспекі. Кіраўнік дзяржавы пацікавіўся, як новыя падыходы павысяць грамадскую бяспеку і якая нагрузка ў цэлым будзе на бюджэце.

"Пры гэтым вельмі прашу вас мець на ўвазе, што мы не можам сабе дазволіць неэфектыўнае выкарыстанне бюджэтных сродкаў. Метады кантролю павінны быць пад'ёмнымі для беларускай дзяржавы. Ніякіх празмернасцей быць не павінна, і я ніколі на гэта не пайду", - падкрэсліў Аляксандр Лукашэнка.

Акрамя таго, дадаў Прэзідэнт, трэба дасканала прапрацаваць пытанне абароны інфармацыі, прыняць усе меры для недапушчэння неабароненасці сістэмы. "Адначасова праваахоўным органам трэба актывізаваць дзейнасць па спыненні злачынстваў у сферы высокіх тэхналогій: праблема архіважная", - даручыў кіраўнік дзяржавы.

версія для друку

зрабіць стартавай

дабавіць у выбранае