Падзеі

14 чэрвеня, Масква /Эдуард Півавар - БЕЛТА/. Спікер Дзярждумы Расіі Вячаслаў Валодзін сёння прыбывае ў Мінск для ўдзелу ў сесіі Парламенцкага сходу Саюза Беларусі і Расіі, паведамілі БЕЛТА ў прэс-службе ніжняй палаты расійскага парламента.

У беларускай сталіцы 14-15 чэрвеня пройдуць мерапрыемствы 52-й сесіі Парламенцкага сходу. У прыватнасці, 15 чэрвеня пад старшынствам Вячаслава Валодзіна адбудзецца пленарнае пасяджэнне сесіі, а сёння - пасяджэнне Савета Парламенцкага сходу.

На сесіі саюзныя парламентарыі абмяркуюць пытанні збліжэння заканадаўстваў Беларусі і Расіі, ход рэалізацыі прыярытэтных напрамкаў і першачарговых задач далейшага развіцця Саюзнай дзяржавы на сярэднетэрміновую перспектыву (2014-2017 гады), а таксама распрацоўку аналагічнага дакумента на 2018-2022 гады. Акрамя таго, дэпутаты абмяркуюць пытанне аб павышэнні эфектыўнасці рэалізацыі праграм Саюзнай дзяржавы.

У рабоце сесіі таксама прымуць удзел прадстаўнікі Пастаяннага камітэта Саюзнай дзяржавы, міністэрстваў і ведамстваў Беларусі і Расіі.

Вячаслаў Валодзін быў выбраны старшынёй Парламенцкага сходу Саюза Беларусі і Расіі 26 снежня 2016 года.