Падзеі

Спецпрадстаўнік ААН высока ацаніла намаганні Беларусі па прадухіленні надзвычайных сітуацый

Фота geneva.mfa.gov.by

10 жніўня, Мінск /Кар. БЕЛТА/. Пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Ларыса Бельская правяла сустрэчу са спецыяльным прадстаўніком генеральнага сакратара ААН па пытаннях зніжэння рызыкі бедстваў Мамі Мізуторы. Аб гэтым карэспандэнту БЕЛТА расказалі ў беларускім пастаянным прадстаўніцтве.

На сустрэчы бакі абмяняліся меркаваннямі адносна праведзенай у маі 2022 года ў Інданезіі 7-й сесіі Глабальнай платформы ААН па зніжэнні рызыкі бедстваў і ўдзелу Беларусі ў гэтым мерапрыемстве. Спецыяльнаму прадстаўніку генеральнага сакратара ААН перададзена запрашэнне міністра па надзвычайных сітуацыях Рэспублікі Беларусь Вадзіма Сіняўскага наведаць нашу краіну з візітам.

Мамі Мізуторы высока ацаніла намаганні Беларусі ў галіне прадухілення бедстваў, у тым ліку нацыянальную стратэгію па зніжэнні рызыкі ўзнікнення надзвычайных сітуацый.

Ларыса Бельская і Мамі Мізуторы абмеркавалі перспектыўныя напрамкі двухбаковага супрацоўніцтва, у тым ліку ў кантэксце падрыхтоўкі да сярэднетэрміновага агляду Генеральнай асамблеяй ААН у 2023 годзе Сендайскай рамачнай праграмы па зніжэнні рызыкі бедстваў.

версія для друку

зрабіць стартавай

дабавіць у выбранае