Падзеі

"Максімальна магчымую колькасць работ і паставак абсталявання павінен ажыццявіць беларускі бок. Мы хочам стварыць дадатковыя рабочыя месцы, каб нашы людзі мелі работу", - адзначыў Уладзімір Сямашка.

Цяпер з 32 падрадных арганізацый, што працуюць на будаўніцтве станцыі, 27 - беларускія. З пачатку ўзвядзення станцыі 83,6 працэнта будаўніча-мантажных работ выканана беларускімі арганізацыямі. Акрамя таго, у будаўніцтве АЭС шырока выкарыстоўваюцца айчынныя матэрыялы - цэмент, шчэбень, пясок і г.д.

Паводле даных віцэ-прэм'ера, многія беларускія прадпрыемствы цяпер працуюць над распрацоўкай перспектыўных тэхналогій, якія будуць выкарыстаны пры будаўніцтве АЭС.

Беларуская АЭС - праект па будаўніцтве атамнай электрастанцыі тыпу АЭС-2006, які рэалізуецца за 18 км ад Астраўца (Гродзенская вобласць). БелАЭС будзе складацца з двух энергаблокаў сумарнай магутнасцю да 2400 (2х1200) МВт. У адпаведнасці з генеральным кантрактам на будаўніцтва станцыі першы энергаблок плануецца ўвесці ў эксплуатацыю ў 2018 годзе, другі - у 2020 годзе.