Падзеі

Шайгу: РФ і Беларусь зацвердзілі план ваеннага супрацоўніцтва на 2022 год

Сяргей Шайгу. Фота прэс-службы Мінабароны РФ/ТАСС

20 кастрычніка, Мінск /Кар. БЕЛТА/. План расійска-беларускага ваеннага супрацоўніцтва на наступны год, накіраваны на ўмацаванне бяспекі Саюзнай дзяржавы, будзе ўключаць у сябе 139 мерапрыемстваў. Аб гэтым паведаміў міністр абароны РФ Сяргей Шайгу, паведамляе ТАСС.

"Зацвердзілі план двухбаковага ваеннага супрацоўніцтва на 2022 год, які ўключае 139 мерапрыемстваў па розных напрамках сумеснай дзейнасці абаронных ведамстваў", - сказаў Сяргей Шайгу, падводзячы вынікі сумеснай калегіі міністэрстваў абароны РФ і Беларусі.

Паводле яго слоў, рашэнні, прынятыя на пасяджэнні, накіраваны на развіццё ўзаемадзеяння абаронных ведамстваў і будуць садзейнічаць умацаванню ваеннай бяспекі Саюзнай дзяржавы. "Першачарговая ўвага ўдзелена рэгіянальнай групоўцы войскаў узброеных сіл Рэспублікі Беларусь і Расійскай Федэрацыі, а таксама развіццю аб'яднаных сістэм ваеннага прызначэння", - дадаў міністр.

Важным напрамкам двухбаковага ўзаемадзеяння ён назваў аператыўную і баявую падрыхтоўку. "У гэтым годзе яе кульмінацыяй стала сумеснае стратэгічнае вучэнне "Захад-2021", у якім удзельнічалі воінскія кантынгенты сямі дзяржаў. Узброеныя сілы пяці краін былі прадстаўлены наглядальнікамі. Вынікі гэтага маштабнага мерапрыемства пацвердзілі гатоўнасць і здольнасць нашых узброеных сіл эфектыўна вырашаць задачы па арганізацыі ваеннай бяспекі саюзнай дзяржавы", - адзначыў міністр абароны Расіі.

версія для друку

зрабіць стартавай

дабавіць у выбранае