Падзеі

Сергяенка: шматграннае ўзаемадзеянне Беларусі і Кітая будзе толькі ўмацоўвацца

30 жніўня, Мінск /Кар. БЕЛТА/. Шматграннае ўзаемадзеянне Беларусі і Кітая будзе толькі ўмацоўвацца, заявіў старшыня Палаты прадстаўнікоў Ігар Сергяенка ў час сустрэчы з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Се Сяаюнам з нагоды завяршэння яго дыпламатычнай місіі ў нашай краіне, перадае карэспандэнт БЕЛТА.

"Ведаю вас як вялікага сябра нашай краіны. За гады работы ў нашай краіне вы змаглі паглыбіцца ва ўсе праблемы бягучага характару беларуска-кітайскіх адносін, ва ўсе праекты, валодаеце пытаннямі, унеслі свой уклад у іх рэалізацыю, ажыццяўленне ў нашай краіне. Амаль 4 гады - гэта немалы прамежак часу. Я думаю, знаходжанне ў Беларусі пакінула яркія ўражанні ў вас на ўсё жыццё, - сказаў Ігар Сергяенка. - Вы вопытны дыпламат, маеце вялікі практычны вопыт дыпламатычнай кар'еры ў розных рэгіёнах Расійскай Федэрацыі, ва Украіне, Беларусі. Добра ведаеце славянскія традыцыі. Цудоўна валодаеце рускай мовай. І за гэты, здавалася б, па мерках жыцця чалавека невялікі перыяд часу вы нямала зрабілі і нямала яркіх падзей прыпадае на вашу кадэнцыю ў Рэспубліцы Беларусь".

Знакавай падзеяй у развіцці нашых двухбаковых адносін стала прыняцце ў верасні 2022 года на палях саміту ШАС у Самаркандзе Сумеснай дэкларацыі аб устанаўленні найвышэйшага ў гісторыі ўзроўню адносін: усепагоднага і ўсебаковага стратэгічнага партнёрства, адзначыў спікер. "Вы таксама ўнеслі ўклад у тое, каб гэта адбылося. Менавіта дзякуючы нашым кіраўнікам - Прэзідэнту Рэспублікі Беларусь Аляксандру Лукашэнку і старшыні КНР Сі Цзіньпіну наладжаны рэгулярны, сістэмны абмен дэлегацыямі на вышэйшым узроўні, праводзіцца канкрэтная работа і ўдалося дасягнуць такіх вынікаў, - падкрэсліў ён. - Мы ўдзячны кітайскаму боку і асабіста вам за падтрымку ў арганізацыі афіцыйнага візіту прэм'ера Дзяржсавета КНР Лі Цяна, які адбыўся ў гэтым месяцы. Вынікам стала падпісанне вялікага пакета пагадненняў і дамоўленасцей у эканамічнай сферы. Вядома ж ключавое - міжурадавае пагадненне аб гандлі паслугамі і ажыццяўленні інвестыцый прадугледжвае стварэнне зоны свабоднага гандлю паміж нашымі краінамі. Гэта далейшы крок на шляху нашага, у першую чаргу эканамічнага супрацоўніцтва".

"Міжпарламенцкі дыялог - ваш асабісты ўдзел у падрыхтоўцы візіту ў Кітайскую Народную Рэспубліку дэлегацыі Нацыянальнага сходу ў Кітай. Упэўнены, што шматграннае ўзаемадзеянне будзе ўмацоўвацца і па парламенцкай лініі, на ўзроўні Камітэта высокага ўзроўню па супрацоўніцтве паміж заканадаўчымі органамі нашых краін", - дапоўніў Ігар Сергяенка.

версія для друку

зрабіць стартавай

дабавіць у выбранае