Падзеі

Сенатары адобрылі папраўкі ў законы па пытаннях процідзеяння экстрэмізму

Фота з архiва

21 красавіка, Мінск /Кар. БЕЛТА/. Сенатары на пасяджэнні пятай сесіі Савета Рэспублікі Нацыянальнага сходу Беларусі сёмага склікання адобрылі законапраект аб змяненні законаў па пытаннях процідзеяння экстрэмізму, перадае карэспандэнт БЕЛТА.

"Для нас вельмі важна, што Савет Рэспублікі адобрыў законапраект, накіраваны на процідзеянне экстрэмізму. Тыя прапановы і навелы, якія ў ім замацаваны, ідуць ад жыцця, ад неабходнасці абароны нашай краіны, суверэнітэту, нашай тэрытарыяльнай цэласнасці", - сказаў генеральны пракурор Андрэй Швед.

Пры падрыхтоўцы законапраекта ўлічваўся міжнародны вопыт. "Тыя нормы, якія замацаваны ў законапраекце, прадугледжваюць комплекс збалансаваных мер. Гэта меры прафілактычнага, папераджальнага і карнага характару. Гэта значыць дзяржава прымае ўсе магчымыя меры не толькі каб караць, але ў першую чаргу прафілакціраваць, выяўляць, і толькі калі ўжо будуць прыняты меры, вырашаць пытанне аб адказнасці гэтых асоб", - адзначыў генпракурор.

Навелай з'яўляецца ўвядзенне рэестра асоб, якія абвінавачаны ў экстрэмізме. "Адпаведна, той, хто панёс адказнасць, з'яўляецца экстрэмістам, у адносінах да яго будзе ўведзены пералік забарон і абмежаванняў. Гэта міжнародная практыка. Пашыраны падставы для прыцягнення да крымінальнай адказнасці. Калі ў дзеючым Крымінальным кодэксе пытанне аб крымінальнай адказнасці толькі за арганізацыю і кіраўніцтва экстрэмісцкім фарміраваннем, то з увядзеннем у дзеянне гэтага закона адказнасці будуць падлягаць тыя асобы, якія актыўна прымаюць удзел, займаюцца вярбоўкай, навучаннем, падрыхтоўкай асоб для ажыццяўлення экстрэмісцкай дзейнасці. Устанаўліваецца паскораны парадак разгляду ў судах першай інстанцыі матэрыялаў, звязаных з забаронай арганізацый, якія маюць прыкметы экстрэмісцкай, альбо забарона дзейнасці індывідуальных прадпрымальнікаў, якія займаюцца экстрэмісцкай дзейнасцю. І шэраг іншых навел, якія ў комплексе накіраваны на тое, каб мы аператыўна прымалі меры па недапушчэнні праяўленняў экстрэмізму ў нашай краіне", - рэзюмаваў Андрэй Швед.

версія для друку

зрабіць стартавай

дабавіць у выбранае