Падзеі

16 жніўня, Мінск /Кар. БЕЛТА/. Савет Міністраў Беларусі адобрыў праект канцэпцыі праграмы Саюзнай дзяржавы "Удасканаленне сістэмы абароны інфармацыйных рэсурсаў Саюзнай дзяржавы і дзяржаў - удзельніц Дагавора аб стварэнні Саюзнай дзяржавы ва ўмовах нарастання пагроз у інфармацыйнай сферы" ("Парытэт") для яго ўнясення ва ўстаноўленым парадку ў Савет Міністраў Саюзнай дзяржавы. Адпаведная пастанова ад 11 жніўня 2017 года нумар 607 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Праект канцэпцыі праграмы Саюзнай дзяржавы прадстаўлены Аператыўна-аналітычным цэнтрам пры Прэзідэнце Беларусі і ўзгоднены з зацікаўленымі рэспубліканскімі органамі дзяржаўнага кіравання.