Падзеі

"Цяпер больш як 20 краін ратыфікавалі пратакол аб ліквідацыі незаконнага гандлю тытунёвымі вырабамі. СААЗ заклікае краіны больш актыўна ўдзельнічаць у гэтым працэсе. Мяркую, наша краіна ў бліжэйшы час пачне разгляд гэтага дакумента", - сказала Людміла Наройчык.

Пратакол змяшчае палажэнні, якія датычацца абавязацельства бакоў кантраляваць пастаўкі тытунёвых вырабаў. Згодна з глабальным рэжымам адсочвання паставак такой прадукцыі можна ідэнтыфікаваць тытунёвыя вырабы, іх вытворцаў, абсталяванне, на якім яны былі выраблены, і прасачыць маршрут перавозкі.

У цэлым, паводле слоў Людмілы Наройчык, для Беларусі праблема кантрафактнай тытунёвай прадукцыі не такая актуальная. У краіне дзейнічае вельмі строгая сістэма кантролю за вытворчасцю, ліцэнзаваннем і абаротам тытунёвых вырабаў.