Падзеі
Рыбакоў 22-25 красавіка наведвае Манголію
23 красавіка, Мінск /Аліна Грышкевіч - БЕЛТА/. Дэлегацыя беларускага знешнепалітычнага ведамства на чале з намеснікам міністра замежных спраў Валянцінам Рыбаковым 22-25 красавіка наведвае Манголію. Аб гэтым паведаміў сёння начальнік упраўлення інфармацыі - прэс-сакратар МЗС Беларусі Дзмітрый Мірончык на брыфінгу, перадае карэспандэнт БЕЛТА.
У ходзе візіту адбудуцца кансультацыі паміж міністэрствамі замежных спраў Беларусі і Манголіі на ўзроўні намеснікаў кіраўнікоў знешнепалітычных ведамстваў.
Праграма работы дэлегацыі таксама прадугледжвае сустрэчы Валянціна Рыбакова з намеснікам міністра будаўніцтва і горадаўладкавання Манголіі, старшынёй мангольскай часткі сумеснай беларуска-мангольскай камісіі па гандлёва-эканамічным супрацоўніцтве і наведванне шэрага прамысловых прадпрыемстваў Манголіі.
версія для друку
зрабіць стартавай
дабавіць у выбранае