Падзеі

Румас: адсутнасць базавага пагаднення паміж Беларуссю і ЕС контрпрадукцыйна для абодвух бакоў

18 лютага, Мінск /Кар. БЕЛТА/. Адсутнасць базавага пагаднення паміж Беларуссю і Еўрапейскім саюзам контрпрадукцыйна для абодвух бакоў. Такое меркаванне выказаў прэм'ер-міністр Беларусі Сяргей Румас сёння на сустрэчы з еўрапейскім камісарам па бюджэце і чалавечых рэсурсах Гюнтэрам Этынгерам, перадае карэспандэнт БЕЛТА.

"Хацеў бы пачуць, што неабходна зрабіць для таго, каб як мага хутчэй заключыць базавае пагадненне паміж Беларуссю і ЕС, таму што такі прававы вакуум паміж суседзямі, вядома, контрпрадукцыйны для абодвух бакоў", - адзначыў Сяргей Румас.

Прэм'ер-міністр таксама закрануў тэму заключэння з ЕС пагаднення аб спрашчэнні візавых працэдур, гэты дакумент ужо на фінішнай стадыі.

Як паведамлялася, еўракамісар Гюнтэр Этынгер наведвае з рабочым візітам Беларусь 17-18 лютага. На перагаворах абмяркоўваецца развіццё палітычнага дыялогу і гандлёва-эканамічнага супрацоўніцтва паміж Беларуссю і ЕС, узаемадзеянне ў фінансавай і мытнай сферах.

версія для друку

зрабіць стартавай

дабавіць у выбранае