Падзеі

Галоўнай тэмай мерапрыемства стане роля Саюзнай дзяржавы ў пераадоленні наступстваў катастрофы на ЧАЭС. Яго ўдзельнікі маюць намер абагульніць шматгадовы нацыянальны і саюзны вопыт у галіне пераадолення наступстваў катастрофы, выпрацаваць перспектывы і прыярытэты сумеснай дзейнасці Беларусі і Расіі ў кантэксце сацыяльнага развіцця Саюзнай дзяржавы на 2017-2020 гады. Акрамя таго, у час пасяджэння абмяркуюць пытанні радыяцыйнай абароны насельніцтва, радыеэкалагічнай адукацыі, а таксама праблемы сацыяльна-эканамічнага развіцця пацярпелых раёнаў.

Удзел у семінары прымуць дэпутаты Парламенцкага сходу Саюза Беларусі і Расіі, Нацыянальнага сходу Рэспублікі Беларусь, прадстаўнікі Пастаяннага камітэта Саюзнай дзяржавы, міністэрстваў і ведамстваў дзвюх краін, а таксама вучоныя і журналісты. Па выніках мерапрыемства плануецца выдаць зборнік матэрыялаў, у якім апублікуюць даклады, даведачныя і іншыя дакументы.