Падзеі
Развіццё дыялогу Беларусі і ЕС абмяркоўвалася ў час візіту Купчыной у Берлін
23 красавіка, Мінск /Аліна Грышкевіч - БЕЛТА/. Намеснік міністра замежных спраў Алена Купчына ўзначаліла беларускую дэлегацыю, якая з рабочым візітам наведала 21-22 красавіка Германію. Аб гэтым паведаміў на брыфінгу начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
Намеснік міністра прыняла ўдзел у міжнароднай канферэнцыі East Forum Berlin, правяла перагаворы з саветнікам федэральнага канцлера ФРГ па пытаннях знешняй палітыкі і бяспекі Крыстафам Хойсгенам і дзяржаўным сакратаром МЗС Германіі Штэфанам Штайнляйнам.
Адбыўся чарговы раўнд кансультацый паміж МЗС Беларусі і Германіі. Германскую дэлегацыю ўзначаліў упаўнаважаны па краінах Усходняй Еўропы, Каўказа і Цэнтральнай Азіі Федэральнага міністэрства замежных спраў Корд Маер-Клот.
На сустрэчах абмеркаваны шырокі спектр пытанняў двухбаковага парадку дня, развіцця дыялогу паміж Беларуссю і ЕС, удзелу Беларусі ў працэсах еўразійскай інтэграцыі, узаемадзеяння з ФРГ у рамках міжнародных арганізацый, а таксама актуальныя праблемы міжнароднай палітыкі.
версія для друку
зрабіць стартавай
дабавіць у выбранае