Падзеі

Рачкоў: сенатары плануюць на адкрыцці веснавой сесіі ратыфікаваць пагадненне з ЕС па візах

Сяргей Рачкоў

25 сакавіка, Мінск /Кар. БЕЛТА/. Сенатары плануюць на адкрыцці веснавой сесіі ратыфікаваць пагадненні аб спрашчэнні візавага рэжыму з ЕС і аб рэадмісіі, паведаміў сёння журналістам старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў, перадае карэспандэнт БЕЛТА.

"Мы разлічваем, што 2 красавіка гэтыя два законапраекты паступяць з Палаты прадстаўнікоў у Савет Рэспублікі, будуць аператыўна разгледжаны на пасяджэнні Пастаяннай камісіі па міжнародных справах і нацыянальнай бяспецы і ўнесены для разгляду на сесіі Савета Рэспублікі", - сказаў Сяргей Рачкоў.

Паводле яго слоў, сенатары актыўна ўключыліся ў міжнародную дзейнасць. "У міжсесіённы перыяд мы сфарміравалі 12 дэлегацый Нацыянальнага сходу ў міжпарламенцкіх арганізацыях, вызначылі склад 72 рабочых груп і 4 міжпарламенцкіх камісій па супрацоўніцтве з парламентамі замежных дзяржаў. Работа гэтых парламенцкіх інструментаў будзе накіравана ў першую чаргу на ўзаемадзеянне з нашымі стратэгічнымі партнёрамі - Расіяй, Кітаем, краінамі СНД, а таксама Еўрапейскім саюзам і краінамі далёкай дугі, - адзначыў старшыня камісіі. - Нягледзячы на невялікі тэрмін работы Савета Рэспублікі новага склікання, праведзены ўжо два важныя афіцыйныя візіты ў Беларусь парламенцкіх дэлегацый Расіі і В'етнама".

версія для друку

зрабіць стартавай

дабавіць у выбранае