Падзеі
Прэзідэнт Сербіі 18 лістапада плануе наведаць Беларусь
6 лістапада, Мінск /Аліна Грышкевіч - БЕЛТА/. Прэзідэнт Сербіі Таміслаў Нікаліч 18 лістапада плануе з трохдзённым візітам наведаць Беларусь. Аб гэтым карэспандэнту БЕЛТА паведаміў ганаровы консул Беларусі ў Бялградзе, старшыня групы дружбы "Сербія - Беларусь" у сербскім парламенце Драгамір Карыч, які прысутнічаў на інаўгурацыі Прэзідэнта Беларусі.
Драгамір Карыч лічыць сімвалічным, што Прэзідэнт Сербіі прыбудзе ў Мінск у хуткім часе пасля інаўгурацыі Прэзідэнта Беларусі. "Сербія лічыць Беларусь сваім важным стратэгічным партнёрам", - падкрэсліў ён.
Ганаровы консул упэўнены, што гэты візіт будзе садзейнічаць далейшай актывізацыі беларуска-сербскіх кантактаў і ўнясе вялікі ўклад у развіццё гандлёва-эканамічнага ўзаемадзеяння. На яго думку, ёсць перспектывы адкрыцця сумесных прадпрыемстваў, прадукцыя якіх можа ў тым ліку пастаўляцца і на рынкі трэціх краін.
версія для друку
зрабіць стартавай
дабавіць у выбранае