Падзеі

Прадстаўнікі саветаў бяспекі Беларусі і Узбекістана правялі кансультацыі

12 красавіка, Мінск /Кар. БЕЛТА/. Прадстаўнікі апаратаў саветаў бяспекі Беларусі і Узбекістана 12 красавіка правялі кансультацыі. Аб гэтым карэспандэнту БЕЛТА паведамілі ў Дзяржсакратарыяце Савета бяспекі.

"Адбыліся кансультацыі прадстаўнікоў апаратаў саветаў бяспекі Беларусі і Узбекістана на чале з намеснікам дзяржаўнага сакратара Савета бяспекі Уладзімірам Арчаковым і намеснікам сакратара Савета бяспекі пры Прэзідэнце Рэспублікі Узбекістан Бабурам Усманавым.

Асноўнымі тэмамі на парадку дня сталі падвядзенне вынікаў супрацоўніцтва дзвюх краін у розных сферах, ацэнка стану міжнароднай і інфармацыйнай бяспекі, а таксама пошук і выпрацоўка перспектыўных напрамкаў двухбаковага ўзаемадзеяння ў рамках процідзеяння актуальным пагрозам нацыянальнай бяспецы", - гаворыцца ў паведамленні.

Бакі выказалі занепакоенасць у сувязі з нарастаннем выклікаў і пагроз у сферы міжнароднай бяспекі. Акрамя таго, была пацверджана прыхільнасць да прынцыпу ўсеагульнай, аднолькавай і непадзельнай бяспекі на аснове ўзаемнага даверу і павагі з улікам інтарэсаў адзін аднаго.

версія для друку

зрабіць стартавай

дабавіць у выбранае