Падзеі

Пленарнае пасяджэнне VII Форуму рэгіёнаў Беларусі і Расіі адкрыюць Качанава і Мацвіенка

Фота з архiва

10 верасня, Мінск /Кар. БЕЛТА/. Пленарнае пасяджэнне VII Форуму рэгіёнаў Беларусі і Расіі адкрыюць старшыня Савета Рэспублікі Нацыянальнага сходу Беларусі Наталля Качанава і старшыня Савета Федэрацыі Федэральнага сходу Расіі Валянціна Мацвіенка. Аб гэтым БЕЛТА паведамілі ў прэс-службе верхняй палаты беларускага парламента.

Пленарнае пасяджэнне традыцыйна будзе цэнтральным мерапрыемствам форуму. У бягучым годзе, азнаменаваным 75-годдзем Перамогі ў Вялікай Айчыннай вайне, тэмай форуму і пленарнага пасяджэння стане "Гістарычная спадчына Вялікай Перамогі як аснова развіцця сацыяльна-эканамічных і духоўных сувязей народаў Беларусі і Расіі".

На VII Форуме рэгіёнаў плануецца падпісанне пагадненняў аб супрацоўніцтве паміж рэгіёнамі дзвюх краін, камерцыйных кантрактаў, іншых дакументаў аб партнёрстве. У секцый форуму будзе пяць тэматык: парламенцкае вымярэнне ў кантэксце захавання гістарычнай спадчыны і ўмацавання адзінства братэрскіх народаў; сумесныя праекты як фактар стабільнага эканамічнага развіцця Беларусі і Расіі; подзвіг савецкага народа ў Вялікай Айчыннай вайне - аснова выхавання патрыятызму і грамадзянскай адказнасці; стварэнне ўмоў для павышэння сацыяльнай і эканамічнай актыўнасці вясковай моладзі ў мэтах устойлівага развіцця рэгіёнаў Беларусі і Расіі; пашырэнне сумесных намаганняў Беларусі і Расіі ў процідзеянні гераізацыі нацызму на міжнародных пляцоўках. У час форуму адбудзецца сустрэча Наталлі Качанавай і Валянціны Мацвіенка з кіраўнікамі рэгіёнаў Беларусі і суб'ектаў Расіі.

У праграме - сёмае пасяджэнне міжпарламенцкай камісіі Савета Рэспублікі Нацыянальнага сходу Беларусі і Савета Федэрацыі Расіі па міжрэгіянальным супрацоўніцтве, сумеснае пасяджэнне дзелавых саветаў дзвюх краін, а таксама пасяджэнне экспертнай сесіі высокага ўзроўню на тэму "Адукацыя як аснова захавання агульнай гістарычнай памяці і далейшага інтэграцыйнага развіцця Саюза Беларусі і Расіі".

VII Форум рэгіёнаў Беларусі і Расіі пройдзе з 28 па 29 верасня ў Мінску і Мінскай вобласці. Арганізатары гэтага знакавага мерапрыемства Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі.

версія для друку

зрабіць стартавай

дабавіць у выбранае