Падзеі
Перспектывы развіцця "Усходняга партнёрства" абмеркавалі Макей і Курц
4 мая, Мінск /Кар. БЕЛТА/. Перспектывы развіцця ініцыятывы "Усходняе партнёрства" абмеркавалі сёння на перагаворах у Мінску міністр замежных спраў Беларусі Уладзімір Макей і федэральны міністр па пытаннях Еўропы, інтэграцыі і замежных спраў Аўстрыі Себасцьян Курц. Аб гэтым БЕЛТА паведамілі ў прэс-службе Міністэрства замежных спраў Беларусі.
"Субяседнікі абмяняліся меркаваннямі па пытаннях узаемадзеяння Беларусі і ЕС. У ходзе сустрэчы адбыўся зацікаўлены дыялог па шырокім спектры пытанняў двухбаковага парадку дня з упорам на гандлёва-эканамічнае і палітычнае супрацоўніцтва, а таксама па шэрагу тэм міжнароднага і рэгіянальнага парадку дня", - адзначылі ў знешнепалітычным ведамстве.
Дасягнута дамоўленасць аб правядзенні да канца бягучага года шэрага сумесных мерапрыемстваў, у тым ліку чарговага раўнда кансультацый паміж міністэрствамі замежных спраў, а таксама 12-га пасяджэння міжурадавай беларуска-аўстрыйскай камісіі па гандлёва-эканамічным супрацоўніцтве, падкрэслілі ў прэс-службе МЗС.
версія для друку
зрабіць стартавай
дабавіць у выбранае