Падзеі

28 красавіка, Мінск /Кар. БЕЛТА/. Перспектывы далучэння Беларусі да канвенцый Савета Еўропы абмеркавалі 28 красавіка на сустрэчы ў МЗС намеснік міністра замежных спраў Алена Купчына і дырэктар Генеральнага дырэктарата па правах чалавека і вяршэнства права Савета Еўропы Філіп Буая. Аб гэтым БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі актуальны стан і магчымыя напрамкі актывізацыі ўзаемадзеяння Беларусі з Саветам Еўропы, уключаючы перспектывы далучэння нашай краіны да канвенцый гэтай міжнароднай арганізацыі", - праінфармавалі ў прэс-службе.