Падзеі

31 сакавіка, Мінск /Кар. БЕЛТА/. Перспектывы адносін Беларусі і Парагвая абмеркаваны 30 сакавіка на кансультацыях паміж міністэрствамі замежных спраў у Асунсьёне, паведамілі БЕЛТА ў прэс-службе беларускага знешнепалітычнага ведамства.

Беларускую дэлегацыю на кансультацыях узначаліў намеснік міністра замежных спраў Яўген Шэстакоў, парагвайскую - намеснік міністра замежных спраў Оскар Сарубі.

Бакі абмеркавалі бягучы стан і перспектывы развіцця двухбаковых адносін, у тым ліку палітычны дыялог, гандлёва-эканамічнае супрацоўніцтва, удасканаленне дагаворна-прававой базы. Разгледжаны перспектывы дыялогу па лініі Беларусь - МЕРКОСУР, узаемадзеянне ў рамках міжнародных арганізацый. Адбыўся абмен думкамі па актуальных пытаннях міжнароднага парадку дня.