Падзеі

Пасол Беларусі: Індыя ніколі не была і не будзе супраць далучэння Беларусі да ШАС і БРІКС

Андрэй Ржавускі. Скрыншот відэа тэлеканала СТБ

18 снежня, Мінск /Кар. БЕЛТА/. Індыя ніколі не была і не будзе супраць далучэння Беларусі да ШАС і БРІКС. Аб гэтым заявіў Надзвычайны і Паўнамоцны Пасол Беларусі ў Індыі Андрэй Ржавускі ў інтэрв'ю тэлеканалу СТБ, паведамляе БЕЛТА.

"Індыя ніколі не была і не будзе супраць далучэння Беларусі да ШАС і БРІКС. Наша заяўка ў БРІКС была пададзена ў бягучым годзе. Я сустракаўся з прадстаўніком МЗС Індыі па гэтым пытанні. Калі падагульніць, пра што гаварылася на гэтай сустрэчы, пытанне па пашырэнні БРІКС да канца не вырашана, прапрацоўваюцца розныя механізмы, падыходы, мадальнасці, якім чынам краіны, што падалі заяўкі, будуць супрацоўнічаць у рамках БРІКС. Мне было дакладна сказана, што Індыя не выступала і не выступіць супраць далучэння Беларусі, наадварот, калі будуць прыняты нейкія канкрэтныя рашэнні, заўсёды падтрымае", - сказаў Андрэй Ржавускі.

Дарэчы, Індыя была адной з першых краін, якія адобрылі мемарандум аб абавязацельствах Беларусі ў мэтах атрымання статусу дзяржавы - члена ШАС. "Літаральна некалькі краін яшчэ не правялі ўнутрыдзяржаўныя працэдуры па адабрэнні гэтага мемарандума. Цалкам магчыма, летам наступнага года мы станем паўнапраўнымі членамі ШАС", - падкрэсліў пасол.

версія для друку

зрабіць стартавай

дабавіць у выбранае