Падзеі

1 лістапада, Мінск /Кар. БЕЛТА/. Пры рэалізацыі дамоўленасцей, дасягнутых па выніках візіту ў Беларусь Прэзідэнта Венесуэлы Нікаласа Мадуры, 31 кастрычніка па ініцыятыве беларускага дыппрадстаўніцтва адбылася сустрэча пасла Беларусі ў Венесуэле Алега Паферава з віцэ-прэзідэнтам Венесуэлы па пытаннях планавання, сустаршынёй венесуэльскай часткі беларуска-венесуэльскай сумеснай камісіі па гандлёва-эканамічным супрацоўніцтве Рыкарда Менендэсам. Аб гэтым БЕЛТА паведамілі ў прэс-службе МЗС Беларусі.

Абмеркаваны актуальныя пытанні развіцця адносін паміж дзвюма краінамі. Асаблівы акцэнт зроблены на завяршэнні падрыхтоўкі дарожнай карты двухбаковага супрацоўніцтва напярэдадні пасяджэння беларуска-венесуэльскай сумеснай камісіі ў канцы лістапада 2017 года.

У сустрэчы таксама прыняў удзел намеснік міністра замежных спраў Венесуэлы па пытаннях супрацоўніцтва з Еўропай Іван Хіль.