Падзеі

Пасол Беларусі ў РФ прыняў удзел у круглым стале па ўрэгуляванні сітуацыі вакол Украіны

Фота пасольства Беларусі ў Расіі

9 лістапада, Масква /Эдуард Півавар - БЕЛТА/. Пасол Беларусі ў Расіі Дзмітрый Крутой 8 лістапада прыняў удзел у ІІ пасольскім круглым стале па тэматыцы ўрэгулявання сітуацыі вакол Украіны, паведамілі БЕЛТА ў прэс-службе беларускай дыпмісіі.

У мерапрыемстве таксама ўдзельнічалі міністр замежных спраў Расіі Сяргей Лаўроў і кіраўнікі 36 замежных дыпмісій, акрэдытаваных у Маскве.

"У сваім выступленні кіраўнік МЗС Расіі падкрэсліў устойлівасць нацыянальнай эканомікі, нягледзячы на 17 тыс. антырасійскіх санкцый, уведзеных краінамі калектыўнага Захаду. Сяргей Лаўроў адзначыў нацэленасць Масквы на выкананне норм міжнароднага права і Статута ААН, узмацненне ролі арганізацый ШАС і БРІКС на міжнароднай арэне. Расійская Федэрацыя лічыць неабходным пашырэнне складу пастаянных і непастаянных членаў Савета бяспекі ААН за кошт краін Афрыкі, Азіі і Лацінскай Амерыкі. У сферы эканомікі Расія пераходзіць на разлікі з асноўнымі гандлёвымі партнёрамі ў альтэрнатыўных валютах, што дае магчымасць паспяхова процістаяць санкцыям калектыўнага Захаду", - расказалі ў прэс-службе.

"Рэспубліка Беларусь падзяляе асноўныя падыходы расійскага боку на міжнароднай арэне. Актуальная інфармацыя, атрыманая па выніках удзелу ў круглым стале, будзе выкарыстоўвацца ў рабоце пасольства", - дадалі ў прэс-службе.

версія для друку

зрабіць стартавай

дабавіць у выбранае