Падзеі

Мерапрыемства пройдзе пад старшынствам міністра замежных спраў Уладзіміра Макея. У пасяджэнні прыме ўдзел генеральны сакратар АДКБ Юрый Хачатураў.

"Пасяджэнне СМЗС пройдзе ў вузкім і пашыраным складзе. Кіраўнікі знешнепалітычных ведамстваў абмяркуюць актуальныя праблемы міжнароднай і рэгіянальнай бяспекі і ўзаемадзеянне дзяржаў - членаў АДКБ на міжнароднай арэне", - праінфармаваў Уладзімір Зайнетдзінаў.

У парадку дня разгляд праектаў рашэнняў СМЗС аб Пераліку тэм сумесных заяў у 2017 годзе, аб унясенні змяненняў у Палажэнне аб рабочай групе па Афганістане пры СМЗС АДКБ і аб Плане кансультацый прадстаўнікоў дзяржаў - членаў АДКБ па пытаннях знешняй палітыкі, бяспекі і абароны на другое паўгоддзе 2017 года - першае паўгоддзе 2018 года. Плануецца пасля абмеркавання зацвердзіць гэтыя дакументы.

Міністры разгледзяць праект рашэння СМЗС, які прадугледжвае ўдасканаленне механізма рэалізацыі Пагаднення аб асноўных прынцыпах ваенна-тэхнічнага супрацоўніцтва паміж дзяржавамі - удзельніцамі Дагавора аб калектыўнай бяспецы.

Таксама ў парадку дня СМЗС разгляд дакументаў па заснаванні геральдычнага знака-эмблемы і знакаў адрознення фарміраванняў сіл і сродкаў сістэмы калектыўнай бяспекі АДКБ.

Усяго ў праект парадку дня пасяджэння ўключана 7 пытанняў.