Падзеі

Парадак дня супрацоўніцтва Беларусі і Расіі не абмяжоўваецца нафтавымі пытаннямі - Румас

Фота з архiва

11 сакавіка, Масква /Эдуард Півавар - БЕЛТА/. Парадак дня супрацоўніцтва Беларусі і Расіі не абмяжоўваецца пытаннямі паставак нафты. Аб гэтым заявіў журналістам прэм'ер-міністр Беларусі Сяргей Румас, каменціруючы вынікі праведзеных сёння ў Маскве перагавораў са старшынёй урада Расіі Міхаілам Мішусціным, перадае карэспандэнт БЕЛТА.

"Журналістаў заўсёды цікавяць, у першую чаргу, пытанні нафты апошнім часам, але на самай справе сёння на сустрэчы з маім калегам мы абмяркоўвалі шырокі спектр пытанняў двухбаковага супрацоўніцтва, - сказаў Сяргей Румас. - У нас вялікі парадак дня, ён не абмяжоўваецца нафтай. Тавараабарот у мінулым годзе з Расійскай Федэрацыяй быў $36 млрд, і нафта і нафтапрадукты хоць і займаюць важную частку ў гэтым тавараабароце, але гэта не ўсё супрацоўніцтва ў гандлёвай сферы з РФ".

Паводле слоў прэм'ер-міністра Беларусі, сёння на першай поўнафарматнай сустрэчы з Міхаілам Мішусціным былі абмеркаваны ўсе аспекты двухбаковага супрацоўніцтва, якія хвалююць кожны з бакоў. "І ў прынцыпе я задаволены вынікамі перагавораў", - адзначыў Сяргей Румас.

версія для друку

зрабіць стартавай

дабавіць у выбранае