Падзеі

Ініцыятыва Беларусі аб стварэнні з'яднанага антытэрарыстычнага фронту вельмі актуальная - Лебедзеў

4 верасня, Мінск /Кар. БЕЛТА/. Ініцыятыва Прэзідэнта Беларусі аб стварэнні з'яднанага антытэрарыстычнага фронту сіламі міжнародных арганізацый вельмі актуальная, хацелася б, каб яе падтрымалі. Такое меркаванне сёння журналістам выказаў старшыня Выканаўчага камітэта - выканаўчы сакратар СНД Сяргей Лебедзеў, перадае карэспандэнт БЕЛТА.

Кіраўнік беларускай дзяржавы напярэдадні на міжнароднай канферэнцыі па барацьбе з тэрарызмам заклікаў стварыць з'яднаны антытэрарыстычны фронт сіламі ААН, АБСЕ, ЕС, АДКБ, СНД, ШАС і іншых міжнародных арганізацый. "Заклік Аляксандра Лукашэнкі, яго ініцыятыва вельмі актуальны. Хацелася б, каб яе падтрымалі, каб мы былі адзіныя. Толькі ў адзінстве мы можам перамагчы гэту страшную пагрозу - міжнародны тэрарызм", - падкрэсліў Сяргей Лебедзеў.

"Гэта добрая прапанова, яна поўнасцю сугучная і з нашымі жаданнямі, нашымі імкненнямі. Такія заклікі з боку краін СНД гучалі і раней - мы за тое, каб аб'яднаць намаганні ў барацьбе з міжнародным тэрарызмам", - дадаў ён.

Усведамленне неабходнасці такога аб'яднання, у тым ліку на ўзроўні праваахоўных структур, спецслужбаў ужо прыйшло. Паводле слоў Сяргея Лебедзева, размова аб гэтым ішла і на самой канферэнцыі, і ў яе кулуарах.

версія для друку

зрабіць стартавай

дабавіць у выбранае