Падзеі

Новы пасол Пакістана ў Беларусі ўручыў у МЗС копіі даверчых грамат

6 лістапада, Мінск /Кар. БЕЛТА/. Намеснік міністра замежных спраў Беларусі Сяргей Алейнік сустрэўся з паслом Пакістана ў Беларусі Саджадам Хайдэрам Ханам з нагоды ўручэння ім копій даверчых грамат, паведамілі БЕЛТА ў прэс-службе МЗС Беларусі.

На сустрэчы абмеркаваны актуальныя пытанні беларуска-пакістанскага супрацоўніцтва ў палітычнай, гандлёва-эканамічнай і гуманітарнай сферах. Падкрэслена неабходнасць істотнага нарошчвання двухбаковага тавараабароту і актывізацыі ўзаемадзеяння ў галіне прамысловасці, сельскай гаспадаркі, фармацэўтыкі па лініі профільных рабочых груп.

Асаблівая ўвага ўдзелена падрыхтоўцы і правядзенню чарговага пасяджэння міжурадавай беларуска-пакістанскай камісіі па гандлёва-эканамічным супрацоўніцтве.

Бакі таксама абмяняліся думкамі па пытаннях узаемадзеяння ў міжнародных арганізацыях.

версія для друку

зрабіць стартавай

дабавіць у выбранае