Падзеі

Наследны прынц Амана выказаў надзею на пашырэнне супрацоўніцтва з Беларуссю

14 кастрычніка, Маскат /Кар. БЕЛТА/. Наследны прынц Амана, міністр моладзі, культуры і спорту Зеязін бен Хайтам Аль Саід на перагаворах з прэм'ер-міністрам Беларусі Раманам Галоўчанкам выказаў надзею на пашырэнне супрацоўніцтва дзвюх краін, паведамляе карэспандэнт БЕЛТА.

"Нашы адносіны доўжацца ўжо некалькі дзесяцігоддзяў. Спадзяёмся, што сферы супрацоўніцтва будуць пашырацца. Я як міністр культуры рады развіццю сувязей у гэтай сферы. Ужо прайшло некалькі культурных мерапрыемстваў, кантакты падтрымліваюць і музеі", - сказаў Зеязін бен Хайтам Аль Саід.

Раней паведамлялася, што кіраўнік беларускага ўрада 13 і 14 кастрычніка наведвае Аман з афіцыйным візітам. Запланаваны шэраг важных сустрэч: з намеснікам прэм'ер-міністра па справах Савета Міністраў Амана Саідам Фахадам бен Махмудам Аль Саідам, старшынёй Дзяржаўнага савета Амана Абдэльмалікам бен Абдалой Аль Халілі.

Па выніках візіту будзе падпісаны важкі пакет дакументаў.

версія для друку

зрабіць стартавай

дабавіць у выбранае