Падзеі

На вучэнні АДКБ у Беларусі запрошаны наглядальнікі з Кітая, Ірана, Саудаўскай Аравіі і Манголіі

Фота з архiва

28 жніўня, Масква /Эдуард Півавар - БЕЛТА/. На вучэнні АДКБ, якія пройдуць у Беларусі, запрошаны наглядальнікі з Кітая, Ірана, Саудаўскай Аравіі і Манголіі. Аб гэтым паведаміў сёння на брыфінгу начальнік Аб'яднанага штаба АДКБ Анатоль Сідараў, перадае карэспандэнт БЕЛТА.

"У якасці наглядальнікаў на вучэнні, якія праводзяцца ў Рэспубліцы Беларусь, запрошаны прадстаўнікі дзяржаў, што не з'яўляюцца членамі АДКБ: Каралеўства Саудаўская Аравія, Ісламскай Рэспублікі Іран, Кітайскай Народнай Рэспублікі і Манголіі", - сказаў Анатоль Сідараў.

Першы этап вучэння "Баявое братэрства - 2023" пройдзе з 1 па 6 верасня ў Рэспубліцы Беларусь на палігонах Брэсцкі, Гожскі, Даманаўскі, Абуз-Лясноўскі, Чапялёва і Лесішча. У яго рамках будуць праведзены сумесныя вучэнні з Калектыўнымі сіламі аператыўнага рэагавання АДКБ "Узаемадзеянне-2023"; спецыяльныя вучэнні з сіламі і сродкамі разведкі "Пошук-2023"; спецыяльныя вучэнні з сіламі і сродкамі матэрыяльна-тэхнічнага забеспячэння войскаў (калектыўных сіл) АДКБ "Эшалон-2023"; спецыяльныя вучэнні з сумесным фарміраваннем радыяцыйнай, хімічнай і біялагічнай абароны і медыцынскага забеспячэння АДКБ "Бар'ер-2023".

Акрамя таго, адказваючы на актуальныя выклікі бяспецы, з 1 па 6 верасня ў Астравецкім раёне пройдуць вучэнні па забеспячэнні ядзернай і радыяцыйнай бяспекі насельніцтва ў рамках спецыяльных вучэнняў выратавальных падраздзяленняў краін АДКБ "Скала-2023".

версія для друку

зрабіць стартавай

дабавіць у выбранае