Падзеі

Міжнародны саюз электрасувязі адзначыў поспехі Беларусі ў распрацоўцы якасных IT-паслуг і прадуктаў

17 мая, Мінск /Кар. БЕЛТА/. Пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Ларыса Бельская правяла напярэдадні сустрэчу з генеральным сакратаром Міжнароднага саюза электрасувязі (МСЭ) Хаўлінем Чжаа. Аб гэтым БЕЛТА паведамілі ў прэс-службе Міністэрства замежных спраў.

"Генеральны сакратар высока ацаніў узровень і канструктыўны характар супрацоўніцтва Беларусі і МСЭ і адзначыў поспехі нашай краіны ў распрацоўцы якасных IT-паслуг і прадуктаў, укараненні ІКТ у розных галінах эканомікі, адукацыі, сацыяльнай сферы, - праінфармавалі ў МЗС. - Пастаянны прадстаўнік Беларусі са свайго боку адзначыла важны ўклад сумесных з МСЭ праектаў ва ўдасканаленне дзяржаўнай палітыкі ў сферы тэлекамунікацый і інфармацыйных тэхналогій, практычную рэалізацыю дзяржаўнай праграмы "Лічбавае развіццё Беларусі" на 2021-2025 гады".

версія для друку

зрабіць стартавай

дабавіць у выбранае